Home MAQAALO Tirada xujeyda sanadkan gudanaya waajibaadka Xajka ayaa kor u dhaaftay 2 milyan...

Tirada xujeyda sanadkan gudanaya waajibaadka Xajka ayaa kor u dhaaftay 2 milyan oo xaaji

11
0

Tirada xujeyda sanadkan gudanaya waajibaadka Xajka ayaa kor u dhaaftay 2 milyan oo xaaji iyadoo boqortooyada Sacuudiga ay dhameysay diyaar garowga arrintaas ku aadan.

Maanta oo Axad ah ayaa malaayiinta xaaji ay u bilaabanaysaa acmaasha xajka, wasaaradda arrimaha gudaha Sacuudiga afhayeen u hadlay oo lagu magacaabo, Maj. Gen. Mansour Al-Turki ayaa sheegay in Talaadada ay tahay maalinta ciida isla markaana xujeyda ay istaagi doonaan banaanka Carafo.

Dowladda Sacuudiga ayaa sanadkan wax badan ka bedeshay qaabka loo gudanayo Xajka, iyadoo la dhameeyay qeybo cusub oo lagu kordhiyay Dhawaafka iyo Jamaraadka.

Wasiirka arrimaha gudaha Sacuudiga Mohammed Salih Bentin ayaa  sheegay in sanadkan soo kordhiyeen qalab electronic ah oo xaajiga loo xireyo kaas oo sheegaya macluumaadka xaajiga

“Waxaa sameysay in ka badan 18,000 buses, oo dhammaan isku wada xiriirsan .” ayuu yiri wasiirku.

In ka badan 30,000 oo shaqaale  caafimaad ayaa sanadkan wasaaradda caafimaadka ugu talagashay in ay caawiyaan martida alle.

Hye’adda bisha cas ee Sacuudiga ayaa dhankeeda sheegtay in 127 xarumood oo gargaarka deg dega ah hirgelisay isla markaana ay ka shaqeyn doonaan 361 Ambulances, 20 Mooto iyo 2,000 shaqaale oo ka howlgali doona magaalooyinka Maka iyo Madiina.

Sidoo kale, 22 Isbitaal ayaa laga dhisay magaalada Madiina iyo guud ahaan goobaha barakeysan iyo 650 howlwadeena caafimaad oo dheeraad ah.

Soomaali badan ayaana waxay ka mid yihiin muslimiinta tirada badan ee sanadkan xajinaya kuwaasoo lagu qiyaasay 22 kun, waxayna yimaadeen 45 dal sida ay sheegeen masuuliyiinta sacuudiga.

Dhinaca kale waxaa  culeys xoog leh la saaray adkeynta amniga Xujeyda Muslimiinta ah ee ka qeybqaadanaya Xajka

Waxyaabaha Sanadkan Xajka ku cusub waxaa ka mid ah in tirada dadka Xujeyda ay aad uga badan yihiin sidii hore, waxayna gaarayaan 3 Milyan oo qof, waxaa intaas dheer In la ballaariyay Waddooyinka iyo meelaha muhiimka u ah Xajka isla markaana xarigga laga jaray afar bilood ka hor Xajka.

Ciidamo  ka badan 100,000 kun oo Askari ayaa loo xilsaaray xaqiijinta amniga iyo habsami u socodka Xujeyda Muslimiinta ee Maka iyo Madiina iyo meelaha kale ee muhiimka u ah gudashada acmaasha Xajka.

Waxaa intaas dheer in Ciidanka cirka ee Sucuudiga ay heegan sare ku jiraan iyaga oo ka feejigan in Xuutiyiinta Dalka Yemen ay Sawaariikh la beegsadaan Xujeyda iyaga oo ka eegaya colaadda kala dhaxeysa boqortooyada Sucuudiga.

Waxa kale oo sanadkan Xajka ka cusub kuleylka oo la sheegayo in uu marayo heerkii ugu sarreeyay muddo 35 Sano ah, taasoo iyana qeyb ka ah dhibaatooyinka sanadkan ka jira Xajka, iuadoo laga cabsi qabo isbuurasho ama ciriiri sababa dhimashada dad badan.

 

LEAVE A REPLY

Please enter your comment!
Please enter your name here