DADKA BOORAMA OO KA CABANAYA BIYO DHULKA KA SOO BURQANAYA

SHARE

 

Dadka deggan Magaalada Boorama ee Xarunta Gobolka Awdal ayaa ka sheegayana biya ay sheegeen in aysan garaneyn waxa dhaliyay oo dhulka ka soo burqanaya.

Waxaa ay sheegayaan in Musqulaha ama Suuliyada aysan dhisnaankarin oo uu galayo daadka ka imanaya biyaha dhulka ka burqanaya.

Qaar ka mid ah Dadweynaha Magaalada Boorama ayaa dowladda hoose ka codsaday in ay wax ka qababato.

Guryaha qaar ayaa looga barakacay biyaha oo aan ilaa hadda la ogeyn halka ay ka imanayaan, iyo waxa sababay in ay soo burqadaan.

Mas’uuliyiinta Dowladda hoose ayaa iyaguna ka codsaday Wasaaradda biyaha ee Maamulka Somaliland in biyaha tijaabo loo qaado oo sheybaar la geliyo maaddaama ay ka dhadhan duwanyihiin biyaha laga cabo magaalada.

Biyahan ayaa dhadhankooda lagu sheegay Dhanaan la mid ah Cusbada,waxaana dadku ay sheegayaan in ay casbi badan ku heyso,maaddaama labadii sano ee ugu dambeysay ay soo kordhayeen.