Sunday, October 20, 2019

admin

1222 POSTS 0 COMMENTS

Maxkamad ku taala Kenya oo soomaali la soo taagay.

 

Maxkamad ku taala Magaaladda Nairobi ayaa waxaa ay sheegtay in ay heeyso Cadeymo kiiskooda lagu dhageysan karo Sedax Nin oo loo heeysto in ay ka dambeeyen Weerarkii Westgate mall ee 2013kii Caasimadda Kenya ka dhacay.

Ahmed Cabdi, Liibaaan Cumar iyo Xuseeyn Mustafa ayaa is Difaacistoo Waxaa dhageeystay Maxkamadda Nairobi. Qof Afaraad oo magaciisu ahaa Aadan dheeg ayaa lasii daayay.

Weerarkii dhacay 21kii September 2013kii eel ala beegsaday xarunta laga tukaameeysto ee Nairobi waxaa ku dhintay 67 ruux tiro intaas ka bandanna waa ay ku dhaawacmeen.

Dacwadda Sedax Nin waxaa mar kale la dhegeeysan doona 21 Bishaan Janaayo, sida ay maxkamaddu sheegtay.

Maxkamdeyntooda ayaa soo bilaabatay January 15keedii Sanadkii 2014kii. Xarakadda Al-shabaab ayaana sheeegtay Weerarka ay Dadka badan ku dhinteen Nairobi dhacay Shan Sano ka hor.

Madaxweyne Xaaf oo Hambalyo u diray Madaxweynaha Cusub Ee Puntland

 

Madaxweynaha Dowlad Goboleedka Galmudug Mudane: Axmed Ducaale Geelle Xaaf ayaa hambalyo u diray mudane Saciid Cabdulaahi Dani oo loo doortay madaxweynaha Dowlad Goboleedka Puntland 5 sano ee soo socota.

Madaxweyne Xaaf ayaa bogodaadiyay go’aanka ay gaareen Baarlamaanka Puntland iyo qaabka ay u dhacday doorashada madaxtinimo.
Waxa uuna u rajeeyay madaxweynaha la doortay in Alaah ku asturo xilka una sahlo.

Akhriso Taarikh Nololedka Madaxweynaha cusub ee Puntaland Saciid Cabdullahi Deni oo ku guuleystay Madaxweynaha Punland

 Madaxweynaha cusub ee Puntaland Saciid Cabdullahi Deni ayaa  ka horjeediayya Golaha Wakiilada Punland Markii UU ahaa musharaxa  waxana uu sheegay in uu wax badan ka bedelidoono  punland

Halkan hoose ka akhriso Khudbada Musharax Saciid –

Taariikh Nololeedka:

Sida ku cad lifaaqa warbixinta taariikh nololeedkayga, waxaan noloshayda inteeda badan ugu adeegay bulshadayda gaar ahaan xilliyaddii ugu adkaa ee ka dambeeyay burburkii dawladdii dhexe, aniga oo qayb ka ahaa yagleelidda dugsiyadii waxbarasho ee ugu horeeyay ee Puntland ka hirgalay burburkii dawladda dhexe ka dib. Dugsiyadaasi oo ay ka aflaxeen kumanaan arday oo laga yaabo qaybtiin inaad qayb ka tihiin mirihii dadalkaas. Sidoo kale, waxaan qayb weyn ka ahaa kobcinta dhaqaalaha iyo horumarinta ganacsiga deegaanadaan aniga oo wax ka aasaasy shirkadaha ganacsi ee ugu waawayn ee maanta Puntland iyo guud geyiga soomaalida ka jira. Waxaan kale oo aan ka qaybqaatay dhismaha hay’ado khayri ah oo u adeegga bulshada gaar ahaan kuwo nugul, iyadoo maanta hay’adahaasi ay yihiin kuwa ugu waawayn Soomaaliya.

Waxaa sidoo kale xusid mudan farxad weyna ii ah inaan ka mid ahaa ergadii maamul u samaynta Puntland oo maanta 20 sano ka dib aan u tartamayo hoggaankeeda. Waxaan muddooyinkii u dameeyay ka shaqaynayay dib u-dhiska iyo taabogelinta dawladnimo sooomaaliyeed oo soo celisa karaamadii iyo sharaftii dadka soomaaliyeed aniga oo Mudane Baarlamaan iyo Wasiirba soo noqday.

Waxaan leeyahay aqoon waxbarasho sare oo gaarsiisan heerka labaad (Master Degree) oo maamulka iyo maaraynta aan ku takhasusay, waxaan sidoo kale leeyahay in kabadan 30 sano oo khibrad ah dhinacyada maamulka dawladnimo, dhaqaalaha, ganacsiga iyo u adeegga bulshada, taas oo iga dhigaysa xog ogaal u dhuundaloola baahiyaha bulshada.

Barnaamijka Siyaasadda:

Mudanayaal iyo Murwooyin;

20 sano ka hor ayay ahayd markii la aasaasay Puntland. Hammigii iyo hankii lagu aasaasay waxay ahayd dhisidda nidaam dawladnimo oo u gaar ah deegaanada Puntland iyo baadigoobka dawladnimo soomaaliyeed si loosoo celiyo qaranimadii iyo karaamadii dadka Soomaaliyeed. Marka aan dib u milicsano guulaha laga gaaray hammigaas 20 sano ka dib, waxaa xaqiiq ah in wax badan ay qabsoomeen, dib-u-dhac badana uu jiro. Waxaa mahaddaas oo dhan iska leh, ALLE ka sokow, dadkii aasaaska Puntland maskax iyo muruq ba ku bixiyay, intii dhimatay ALLE ha u naxariisto inta noolna cimri dheer, caafimaad iyo cibaado suuban ayaan u rajaynayaa.

Mudane Gudoomiye, Mudanayaal iyo Murwooyin;

Suaasha iswaydiinta mudan waxay tahay Puntland 20 sano ka dib ma joogtaa heerkii ay mudnayd? Hay’adaheeda dawliga ahi ma u tayaysan yihiin sidii loo baahnaa? Bulshadu ma u heshaa adeegyada ay u baahnaayeen sidii la rabay? Waxaa xaqiiq ah inay jiraan caqabo badan oo raggaadiyay hay’adihii dawliga ahaa iyo bixintii adeegga bulshada. Caqabadahaas waxaa ka mid ah:

1. Tayada hay’adaha dawliga ah oo liidata, iyada oo ay aad u hoosaysayso nidaamka islaxisaabtanka iyo isudheelitirka awoodaha hay’adaha dawliga ah, awoodiina ay iskugusoo uruurtay madaxtooyada.

2. Ma jiro horumar wayn oo laga sameeyay nidaamka Siyaasiga ah ee Puntland, 20 sano ka dib waxaa wali la iskudooranayaa sidii la isku doortay doorashadii u horaysay (Doorasho dadban) ee dhacday 1998.

3. Waxaa laamihii dawladda raggaadiayay musuqmaasuq baahsan oo astaan u noqday dhaqanka dawladnimo, taasoo ay ugu wacan tahay islaxisaabtan la’aan iyo iskumilanka hay’adihii dawliga ahayd ee is-ilaalin lahaa.

4. Kaalintii Puntland ay ku laheyd dib u-dhiska dawladnimada Soomaaliya iyo hirgalinta nidaamka federaalka oo hoos u dhacday, taas oo ay sabab u tahay in aysan jirin aragti dheer oo hagaysa.

5. Midnimada dad iyo dhuleed ee Puntland sida ku xusan dastuurkeeda oo dhaawacantey, kaddib markii lagu fashilmay soo celinta dhulka maqan gaar ahaan qeybo kamid ah gobolka Sool, Sanaag iyo Cayn.

6. Argagixisada oo aan laga sifayn deegaanada Puntland; taasoo abuurtay khalkhal amni iyo falal amni-darro ah oo ka dhaca meelo fara-badan oo Puntland ka mid ah.

7. Sicirbarar baahsan oo saameeyay nolosha bulshada, sannadkii 2013kii bishii January $1 waxaa lagu sarrifi jirey 22,000 So. Sh, haddana 2018 wuxuu kusoo dhaw yahay in $1 lagu sarrifo 35,000 So. Sh celcelis.

8. Dhinaca garsoorka, ma jiro garsoor madax bannaan oo taabbagal ah laguna kalsoonaan karo sababo la xiriira faragelin, qoondada miisaaniyadda oo hoosaysa, musuqmaasuq, tayo xumo dhanka hawlwadeenada iyo agabka.

Mudane Gudoomiye, Mudanayaal iyo Murwooyin;

Caqabadahaasi waxay iftiiminayaan in dadka reer Puntland ay dareemayaan inaan la gaarin filashadii shacabka dhanka maamul-wanaaga 20 sano kadib. Haddaba, doorashada 2019 waxay kusoo beegmaysaa marxalad xasaasi ah oo kala guur ah, loona baahan yahay in la xaqiijiyo helitaanka hoggaan siyaasadeed oo leh aragti, waayo-aragnimo, hufnaan iyo waddaniyad, si loo gaaro maamul-wanaag dhamaystiran.

Haddaba barnaamijkayga siyaasadeed waxaa saldhig u ah 2 arrimood oo ah (1) Tayeynta iyo dib u habeynta hay’adaha dawladda si ay u noqdaan kuwo taabbo-gal ah oo ka jawaabi kara baahiyaha bulshada Puntland. (2) Tiigsi oo ka turjumaya hiraalka iyo hiigsiga siyaasadeed waqtiga dhaw iyo waqtiga fog. Si loo xaqiijiyo loogana gun gaaro hammigaas, barnaamijkayga siyaasadeed waxa uu xoogga saarayaa gaarista 8 yool oo waawayn oo aan aaminsanahay inay isbedel horumarineed oo taabagal ah gaarsiin karaan Puntland.

Yoolka 1aad: Hirgalinta isbedel siyaasadeed oo dhaxal-gal ah:

1. Waxaan mudnaan gaar ah siindoonaa taabba-galinta Sharciga iyo Qaanuunka si loo helo Hay’ado dawli ah oo is kor joogteeya isuna dheeli tiran (Checks and Balance).

2. Waxaan Dib-u-qaabeynayaa Hay’adaha Dawliga ah ee Puntland, iyadoo dib-u-eegis aan ku samaynayndoono tirada, tayada iyo xeerarka lagu asaasay Hay’adahaas si loo kala caddeeyo waajibaadkooda shaqo, sarena loogu qaado tayadooda, ayna ula jaanqaadaan isbeddelka cusub ee aan doonayo in laga sameeyo dhinaca siyaasadda iyo dhismaha dawladnimada, qorshahaan waxaa lagu dhamaystirayaa sannadka ugu horreeya ee Xukuumadda cusub. Haddii Alle idmo

3. Waxaan hirgelindoonaa nidaamka Dimuqraadiga ee Xisbiyada Badan sannadka ugu horreeya ee xukuumadda cusub. Haddii Alle idmo

4. Waxaan xoojinayaa kaalinta Puntland ay ku leedahay Soomaaliya iyo hirgelinta nidaamka Federaalka ah, iyadoo la ilaalinayo maqaamka Puntland iyo Dawladnimadeeda ku dhisan hannaan dawladnimo oo ay sal u tahay in waxna la wada leeyahay waxna lakala leeyahay.

5. Waxaan xoojinayaa awoodda Puntland u leedahay gelidda heshiisyo horumarineed iyo kuwo maalgashi si waafaqsan shuruucda dalka, iyada oo la xaqiijinayo in heshiisyadu noqdaan kuwo daahfuran oo laga ansixiyo dhammaan golayaasha dawladda si furanna loogu soo bandhigo shacabka. Sidoo kale in dib u eegis lagu sameeyo dhammaan heshiisyada horumarineed ama maalgashi ee horay loo galay oo ay ugu horrayso heshiiskii Dekedda Boosaaso.

6. Waxaan mudnaan gaar ah siindoonaa ilaalinta midnimada Puntland (Dad iyo Dhulba) iyada oo mudnaan gaar ah lasiinayo soo celinta dhulka maqan ee Dastuurku uu qeexayo, iyada oo dawladdu ka yeelanayso siyaasad horumarineed loona astaynayo qoondo miisaaniyadeed oo gaar u ah horumarinta iyo difaaca Gobolada Sool, Sanaag iyo Cayn.

Yoolka 2aad: Xoojinta Amniga:

1. Waxaan dib-u-habayn mug leh ku samaynaynaa hay’adaha amniga ee kala duwan, dhinacyada shuruucda, istiraatiijiyadda, tirada ciidanka, tayadooda iyo xuquuqdooda. Miisaaniyadda haatan lagu hafro Amniga waxay ku filan tahay maareynta Amniga hadii si amaano iyo aqoon ku dheehantahay loo maamulo.

2. Waxaan mudnaan gaar ah siindoonaa ciribtirka canaasiirta argagixisada ee ku dhuumaalaysanaya buuralayda Cal-madaw iyo Cal-miskaad.

3. Waxaan adkayndoonaa xuduudaha Puntland ee Bad iyo Berriba, iyadoo iskaashi dhow lagala sameynayo dowladda federaalka iyo dawlad-goboleedyada ay xuduudaha wadaagaan dawaladda Puntland ee Soomaaliyeed.

4. Xaq-siinta ciidanka ayaan mudnaan gaar ah siindoonaa, iyadoo qof kasta oo ciidan ah uu helidoono mushahaar joogto ah, gunno-hawleed, duug, bixinta diyada/magta qofka si kama’ ah ugu dhinta gacanta ciidanka, daaweynta ciidanka xanuunsada, bixinta hawl-gabka iyo kafaala-qaadka agoonta ciidanka.

Yoolka 3aad: Dib u habaynta Nidaamka Maaliyadda iyo Kobcinta Dhaqaalaha:

1. Waxaan dib-u-habayn ballaaran ku samaynaynaa nidaamka dakhli uruurinta, annaga oo xaqiijinayaa dhaqangelinta iyo ku dhaqanka miisaaniyadda Dawladda ee ay ansixiyaan Golayaasha Dawladdu.

2. Waxaan la dagaalamaynaa aafada musuqmaasuqa ragaadiyey nidaamka dawladnimo, iyadoo la xoojinayo isla-xisaabtanka iyo daahfurnaanta, lana adkaynayo maamul-wanaagga iyo sarraynta sharciga, madaxbannaani buuxdana la siinayo Hay’adaha Dawladda u qaabilsan islaxisaabtanka gaar ahaan xafiiska Hantidhowrka Guud.

3. Waxaan mudnaan-siinaynaa suuq-geynta iyo maalgashiga khayraadka dalka Alle ku galladay sida: Kalluunka, Xoolaha, Maydiga, Beeraha, Macdanta iyo batroolka.

4. Waxaan horumarinaynaa kaabayaasha dhaqaale sida: Dekadaha, Garoomada Diyaaradaha iyo Waddooyinka, iyadoo la dhammeystirayo waddada isku xirta Ceel-daahir iyo Ceerigaabo, dibna loo soo nooleynayo dhismaha waddada laamiga ah ee Garoowe-Gaalkacyo, loona hawlgalayo soo daynta mashruuca Shiinaha ee dhismaha Waddada Eyl iyo Garoowe, dib-u-eegista mashruuca ballaarinta dekadda Bosaaso, ka qeyb qaadashada dhismaha dekadda Garacad. Sidoo kale waxaa loo hawlgali doonaa dhismaha waddada laamiga ah ee isku xirta Kalabayr iyo Caluula, Taleex iyo Garoowe, Sheerbi iyo Dhahar, Qardho iyo Baylo, Bosaaso iyo Qandalo, Galdogob iyo Garacad, iyo dhamaystirka iyo taabagalinta kastamka Tuur-dibi.

Yoolka 4aad: Tayaynta Adeegyada Bulshada:

1. Waxaan mudnaan siindoonaa baahinta iyo tayeynta adeegyada waxbarashada iyo caafimaadka iyada oo loo marayo joogtaynta iyo kordhinta qoondada lacageed ee ay ku leeyihiin miisanayadda Dawladda.

2. Tayeynta, baahinta iyo kabista adeegyada Biyaha iyo korontada ayaan mudnaan gaar ah siindoonaa, si loo helo adeeg tayo leh oo jaban daboolina kara baahida bulshada. Waxaa si gaara dib u eegis loogu samayn doonaa hannaanka wax isku darsiga dawladda iyo shirkadaha gaarka loo leeyahay (Public Private Patnership).

Yoolka 5aad: Taabba galinta Garsoor Xaqiijin kara Sarraynta Sharciga:

1. Waxaan dib-uhabeyn ku samayndoonaa garsoorka gaar ahaan hannaanka soo xulista hawl-wadeennada garsoorka, abuuridda hannaanka kormeerka iyo isla-xisaabtanka ee garsoorka dhexdiisa iyo dib-u-habeynta xeerarka iyo habraacyada Hay’adda Garsoorka.

2. Waxaan kordhindoonaa qoondada miisaaniyadda Garsoorka, iyadoo la sameynayo Sanduuqa Garsoorka (Judiciary Fund), si loo tayeeyo loona xoojiyo madax banaanidooda

Yoolka 6aad: Daryeelka Deegaanka iyo Xakameynta saameynta Isbeddelka Cimilada:

Waxaan mudnaan gaar ah siindoonaa la-dagaallanka jarista dhirta iyo xaalufinta Deegaanka, iyadoo aan dhisidoono haamaha lagu kaydiyo gaaska wax lagu shito si qiimo jaban loogu helo haamaha gaaska la shito, taasina ay gebi ahaanba meesha ka saarayso isticmaalka dhuxusha. Sidoo kale waxaa xoogga la saari doonaa ka faa’iidaysiga tamarta cadceedda (Sollar) iyo dabaysha.

Yoolka 7aad: Horumarinta Dhalinyarada:

Waxaan mudnaan gooni ah siinaynaa horumarinta dhalinyarada dhinacyada shaqo abuurka, sare u qaadista xirfadaha, u sinnaanta fursadaha shaqo si eex la’aan ah iyo ka ballaarinta qaybgalka siyaasadda iyo maamulka.

Yoolka 8aad: Horumarinta Haweenka

Haweenka Puntland waxay laf dhabar u yihiin horumarka bulshada dhinac walba, sidaas darted waxaan xaqiijindoonaa xoojinta helitaanka xuquuqda haweenka si waafaqsan shareecada islaamka, iyadoo si gaar ah xooga loo saarayo inay helaan xuquuqdooda bulsho, siyaasadeed iyo dhaqaale oo dhammaystiran.

Mudane Gudoomiye, Mudanayaal iyo Murwooyin;

Waxaan ku kalsoonahay in barnaamijkaygaan siyaasadeed uu ku fadhiyo hanka iyo filashada dadka reer Puntland si looga gudbo caqabadaha aan horaykusoo xusay loona gaaro horumar dhamaystiran oo joogtaysan.

Waxaan kusoo gunaanadayaa khudbadaydaan codsi aan waydiisanayo Mudanayaasha Golahaan sharafta badan inaad isiisaan codkiina iyo kalsoonidiina idinka oo igu qiimaynaya aqoontayda, khibradayda iyo baarnaamijkayga siyaasadeed.

Laba musharax oo isugu soo haray doorashada Madaxweynaha Puntland

Waxaa soo geba gabowday doorashada Madaxweynaha Maamulka Puntland oo ay Maanta ku tartameen,21 Musharax,hayeeshee wareega labada ay isugu soo hareen Saddex Musharax.
Wareega labada ayaa waxaa ku tartamay Musharixiinta kala ah Saciid Abdullahi Deni Asad Cismaan Abdullahi iyo Faarax Cali Shire,waxaana Guddiga doorashada ay ku dhawaaqeen.
Janeraal Asad Cismaan Abdullahi 30 Cod
Saciid Abdullahi Deni 29 Cod
Faarax Cali Shire 7 Cod
Waxaa haatan la guda galayaa wareega Saddexaad doorashada Madaxweynaha Puntland oo ay isugu soo hareen Janeraal Asad Cismaan Abdullahi iyo Saciid Abdullahi Deni 29 Cod.

AKHRISO: Musharaxiinta u soo gudbay Wareegga Saddexaad

Waxaa Wareegga Saddexaad u soo gudbay Asad Cabdullaahi Cusmaan 30 Cod iyo Saciid Cabdullaahi Dani 29 Cod.
Waxaa Wareegga Labaad ku haray Faarax Cali Shire oo helay 7 Cod.
Wadarta guud ee codeysay waa 66 Xildhibaan, cod xumaaday ma jiro.
Madaxweynaha Puntland Cabdiweli Gaas ayaa ku haray wareegga Koowaad ee doorashadda , waxaana muuqata in Asad uu heysto Codadka ugu badan ee wareegga Labaad ee doorashadda.

Wareega labaad ee codeynta doorashada puntland oo soo idlaatay.

Waxaa goor dhow soo idlaaday Wareega labaad ee Codeynta doorashadda Madaxweynaha maamulka Puntland, waxaana xildhibaanada baarlamaanka maamulka Puntland maanta ay dooranayaan cida ay u arkaan inuu hogaamin karo Puntland.
Xildhibaanada Puntland ee hadda Codeynaya ayaa ka kooban 66 Mudane.
Gudigga doorashada Madaxweynaha ayaa hada waxaa ay tirin doonaan qaabka ay codadka u hala heleen sedexda musharax

AKHRISO: Musharaxiinta u soo gudbay Wareegga Labaad

Waxaa Wareegga Koowaad u soo gudbay Asad Cabdullaahi Cusmaan 17 Cod iyo Saciid Cabdullaahi Dani 20 Cod , Faarax Cali Shire 9 Cod.
Madaxweynaha Puntland Cabdiweli Gaas ayaa ku haray wareegga Koowaad ee doorashadda , waxaana muuqata in Saciid Dani uu heysto Codadka ugu badan ee wareegga Koowaad ee doorashadda.

Afgembigii ka dhacay dalka Gabon oo fashilmay & Wararkii ugu dambeeyey

 

Waxaa dhicisoobay afgembigii saaka ka dhacay dalka Gabon ee la sheegay in xilka looga tuuray madaxweynihii dalkaasi Cali Bongo sida ay sheegayaan wararka ka imanaya dalkaas.
Ciidamo ka tirsan milateriga dalkaasi ayaa qabsaday xarumaha dowladda iyo idaacadda dalkaasi iyagoo ku dhawaaqay afgembi ka dhacay dalka Gabon iyo xaalad degdeg, balse saacado kadib ayaa waxaa hadda soo baxaya in afgembigaasi laga hortegay.
Wasiirka isgaarsiinta dalka Gabon ayaa sheegay in xaaladda ay caadi kusoo noqotay isla markaana gacanta lagu dhigay askartii isku dayday afgembiga, sida ay shaacisay wakaalada wararka AFP.
Taangiyo iyo ciidamo fara badan ayaa lagu arkay magaalada Libreville ee dalka Gabon, wuxuuna afgambiga socday muddo saddex saacadood ah, iyadoo xaaladda ay hadda u muuqato inuu dhicisoobay afgenbigii lagu doonayey in xilka looga tuuro madaxweyne Cali Bongo.
Guddoomiyaha midowga Afrika ayaa barta Twitter-ka kaga hadlay isku dayga afgembiga militari ee dhicisoobay ayaa sheegay in AU ay si xooggan u caambaareyneyso falkaasi
Weriye ka tirsan Raadiyaha Faransiiska ayaa bartiisa Twitter-ka soo geliyay qoraal uu ku sheegayo in ciidankii isku dayay inay afgembiyaan madaxweyne Cali Bongo xabsiga loo taxaabay, ayna xaaladda magaalada Libreville hadda degan tahay.

Khudbad jeedinta musharaxiinta Madaxweynaha Puntland oo la soo gaba-gabeeyay

Waxaa la soo gabagabeeyay dhageysiga Khudbadaha musharaxiinta madaxweynaha Maamulka Puntland ka hor jeedinayeen Xildhibaanada Baarlamaanka Maamulkaasi.
21-musharax oo u tartamaya xilka madaxweynaha cusub ee Maamulka Puntland ayaa khudbad ka hadleysa taariikh nololeedkooda iyo waxqabadka ay la imaanayaan haddii ay xilka ku guuleystaan ka horjeediyay Xildhibaanada Puntland.

Rag horey u dilay nabadoon caan ah oo lagu toogtay fagaaraha Iskoolo Buluusiyo

Maxkamadda Ciidanka Qalabka Sida ayaa saaka xukun dil toogasho ah ku fulisay labo nin oo tirsanaa Al-Shabaab, kuwaasoo horey u dilay nabadoon caan ka ahaa magaalada Muqdisho.
C/araxmaan Ciise Cali iyo Xasan Cali Xasan ayaa horey degmada Wadajir ugu dilay Hilowle Xeefow Xuseen oo kamid ahaa nabadoonada caanka ahaa ee degmadaasi ku dhaqan.
Horey ayaa waxaa ay maxakamaddu ugu ridday labadan qof xukun dil toogasho ah, waxaana maanta agu fuliyay xukunkii dilka ahaa ee Maxkamadda Ciidanka Qalabka sida ay horey ugu xukuntay.
Goobta xukunka oo toogashada ay ka dhacaysay oo aheyd fagaaraha iskoolo buluusiyo ayaa waxaa ku sugnaa mas’uuliyiin iyo saraakiil ka tirsan Maxkamadda ciidanka qalabka sida ee Soomaaliyeed, kuwaasoo sheegay in maxakamaddu ay heshey cadeymo muujinaya inay gacan ku dhiiglayaal ahaayeen.
Maxakamadda ciidamada Qalabka sida ayaa dhowr jeer oo horey xukuno ugu fulisay xubno ka tirsanaa Alshabaab, waxaana u dambeeyey nin dhawaan lagu toogtay Baydhabo, ka dib markii lagu heley dembi ah inuu dilay Shiilkh caan ah.