cabdi casiis cali

67 POSTS 0 COMMENTS

Galmudug sida Loogu Xusay Dhalashada Nabigeena Muxamed Nabad Galyo iyo Naxariis dushiisa ha ahaatee

Deeganada dowlada Galmudug sida Loogu Xusay Dhalashada Nabigeena Muxamed Nabad Galyo iyo Naxariis dushiisa ha ahaatee ayaa Lagu Qabtay Mgaaloyinka Gaalkacyo cadaado dhusmareeb guriceel hobyo iyo deegaano badan oo ka tirsan Gobalada Mdug iyo galgaduud
Xaflada dhalshada Dhalashada Nabigeena Muxamed Nabad Galyo iyo Naxariis dushiisa ha ahaateeWAXA Ka soo qayb galay bulsho isaga kala timid xafadaha magaalooyinka Galmudug ,culumada gobalad a Galmudug a ugu caansan iyo sdoo kale siyaasiyiinta Galmudug waxana halkaasi looga shekeyay siirada Dhalashada Nabigeena Muxamed Nabad Galyo iyo Naxariis dushiisa ha ahaatee.
Iyadoo si weyn loo xusay munasabda mowliid

Dowlada Galmudug Oo Sheegtay In Xubno Ka Tirsan Shabaab Ku Dileen Dagaal Ka Dhacay G/Galgaduud

Dagaal culus ayaa Al-Shabaab iyo Ciidamada Maamulka Galmudug waxa uu ku dhexmaray deegaano hoostaga degmada Ceebeere ee Gobolka Galgaduud,kaas oo geystay Khasaaro isugu jira dhimasho iyo dhaawac.
Dagaalka ayaa waxa uu ka dhacay deegaan u dhow deegaanka Golangole ee isla Gobolka Galgaduud,waxana uu yimid kadib markii deegano ka tirsan gobolkaas ay galeen rag ka tirsan Al-Shabaab.
Guddoomiye ku xigeenka degmada Ceelbuur ahna kusimaha Gudoomiyaha Maxamed Sheekh Maxamuud oo la hadlay warbaahinta ayaa waxa uu sheegay in dagaalkaas ay ku dileen 4 ka mid ah dagaalamayaasha Al-Shabaab,isla markaana uu jiro khasaaro kale.

Sidoo kale wax uu hadalkiisa intaasi ku daray in dagaalka ama howlgalka ka dhanka ah Al-Shababa ay siiwadi doonaan,isla markaana uusan joogsan doonin ilaa ay ka saarayaan deeganada Galmudug.
Gaba gabadii ayaa waxa uu sheegay in dagaalka uu ahaa mid ay uga hartagayeen Al-Shabaab oo doonayay in ay Xoolo si awood ah uga qaataan dadka ku nool tuulooyin ka tirsan gobolka Galgaduud.

Wasiir ku-xigeenka Arrimaha Dibadda Finland oo Maanta la kulmay Madaxda Aqalka sare ee Dalka

Wasiir ku-xigeenka Arrimaha Dibadda Finland, Samuli Virtanen oo shalay soo gaaray Magaalada Muqdisho ayaa maanta Aqalka sare kula kulmay Guddoomiyaha Aqalka sare Cabdi Xaashi Cabdulaahi iyo Ku xigeenadiisa.
Guddoomiye ku-xigeenka 2-aad Aqalka Sare ee Baarlamaanka Federaalka Soomaaliya Mowliid Xuseen Guhaad ayaa kulanka dib ka warbixiyay Waxyaabihii ay ka wada hadleen Madaxda Aqalka sare iyo Samuli Virtanen.
“Waxaan bogaadineynaa inuu soo booqday Aqalka Sare, Kulan ayaan la yeelanay wuxuu waday Fariin iyo Salaan uu ka sido Madaxda iyo Shacabka Finland, Waxyaabaha aan ka wada hadalnay waxaa ka mid ah Xoojinta Xiriirka Labada dal, Doorka uu leeyahay Aqalka sare iyo sidii loo hormarin lahaa Federaalka.
Sidoo kale Guddoomiye ku-xigeenka 2-aad ee Aqalka Sare ayaa sheegay inay isla garteen in Dowlada Finland ay ka qeyb ka qaadato Hormarinta Federaalka Soomaaliya iyo xalinta tabashooyinka ay Dowlad Gobaleedyada ka qabaan Dowlada dhexe.
“Waxaan isla garanay in Dowlada Finland ay door wanaagsan ka qaadato xalinta wada shaqeyn xumada dhex martay Dowlada Dhexe iyo Dowlad Gobaleedyada iyo sidii Midowga Yurub iyo Dowlada Finland u taageeri lahaayeen Nidaamka Federaalka oo ku cusub Soomaaliya, aad ayaan ugu faraxsanahay imaanshaha Wasiirka, inuu fariin fiican la noqon doono ayaan rajeyneynaa”.
Wasiir ku-xigeenka Arrimaha Dibadda Finland, Samuli Virtanen, ayaa shalay la kulmay Ra’iisul Wasaare Xasan Cali Khayre iyagoo ka wada hadlay xoojinta xiriirka labada dawladood, fududaynta isu socodka, kor-u-qaadidda taageerada Finland ay siiso Soomaaliya, horumarinta ganacsiga iyo dar-dar gelinta mashaariicda dawladda Finland ay ka fuliso Soomaaliya.

Qarax ka dhacey xaafada Soonakeey ee magaalada Muqdisho

 

Qarax lagu xiray gaari ayaan maanta ka dhacay magaalada Muqdisho gaarahaan xaafada Soonakeey ee dagmada Hodan Gobolka Banaadir
Dad Goob Joog ah ayaa sheegay in gaari qarxay uu watay askari ka tirsan ciidamada dowlada ismarkaana gaarigiisa qaraxa loogu xiray.
Dadka ku sugan halka qaraxu ka dhacey ayaa sheegey in uu meesha ku geeriyooday askari lagu magacaabi jiray Xasan Kaafi oo watay gaariga la qarxiyey,wararku waxay intaas ku darayaan inay meesha qaraxu ka dhacey ay isku gadaameen ciidamo ka tirsan booliska Soomaaliya ayna diideen in laga agdhawaado gaariga qaraxa qabsaday.
Marar badan magaalada Muqdisho waxaa ka dhacey qaraxyo lagu xiray baabuur ay wateen masuuliyiin iskugu jira Xildhibaano iyo Saraakiil ciidan.

Wasiirka Maaliyadda Eedeyn loo soo jeediyay ka Jawabay

Wasiirka Wasaaradda Maaliyadda Xukuumadda Soomaaliya Mudane C/rixmaan Ducaale Beyle ayaa ka jawaabay warbixin ay soo saareen Guddiga Maaliyadda ee Golaha Shacabka Baarlamaanka Soomaaliya, taasi oo eedeyn loogu jeediyay Wasaaradda Maaliyadda.
Mudane C/raxmaan Ducaale Beyle ayaa sheegay in haatan isbadal wayn uu ka jiro Maamulka Maaliyadda Soomaalia isla markaana taasi ay keentay in caalamku uu aamino dalkeena, wuxuuna xusay inay diyaar u yihiin inay hortagaan Guddiga Maaliyadda iyo Golaha Shacabka si ay uga jawaabaan wax kasta oo madmow uu ku jiro.
Waxaa uu sidoo kale sheegay in ay muhiim tahay in la tixgaliyo hanaanka lagu horumarinaayo Maaliyadda Soomaaliya.
Wasiir Beyle ayaa sheegay in ay baarayaan eedeynta kaga timid Guddiga Maaliyadda ee Golaha Shacabka Soomaaliyeed.

Xildhibaan Jeesow oo farta ku fiiqay cida ka dambeesay qaraxii uu ka bad baaday

Xildhibaan Jeesow oo farta ku fiiqay cida ka dambeesay qaraxii uu ka bad baaday
Xildhibaan Daahir Amiin Jeesow oo kamid ah Xildhibaanada Golaha Shacabka Soomaaliya ayaa maanta ka bad baaday qarax gaarigiisa loogu soo xiray oo la doonayay in lagu khaarijiyo.
Waxa uu sheegay Xildhibaanka in qaraxii maanta lala eegtay uu ahaa mid ay soo maleegeen Al Shabaab, waxa uuna xusay in ay jiri karto dad kale oo qaraxaasi wax ka maleegay .
“Marar badan ayan ka badbaaday shirqoollada cadawga Shabaab laakin kan maanta ee qaraxa gaarigeyga laygu xiray laga yaabee Qorsheynta inuu Cadawga yeesho, hasayeeshee waa lagala qeyb qaatay ciddey doontaba ha noqotee oo waa loo fududeeyay sida muuqata kamana hordhacayo baaritaanka.” Ayuu yiri Xildhibaan Jeesow.
Xildhibaanka ayaa sheegay in uu ka dhursugayo baaritaanada laamaha amaanka ku sameenayaan qaraxa maanta lala eegtay, waxa uuna cadeeyay in uusan ka tanaasuli doonin mowqifkiisa iyo u shaqeynta Qaranka Soomaaliya.
Laamaha amaanka ayaan wali ka hadlin qaraxan maanta gaarigiisa loogu soo xiray Xildhibaan Daahir Amiin Jeesow, waxaana dad badan isweediinayaan sida ay ku fududaatay in qarax lagu xiro gaari ay xili walbo la socdaan ilaalo gaar ah.

Maxaa kasoo baxay kullankii Madaxda Soomaaliya,Ereteria iyo Itoobiya ?

 

Madaxweyne Maxamed Cabdullaahi Farmaajo, Raysalwasaare Abiy Axmed iyo Madaxweyne Isaias Awerki ayaa 9-10 November, 2018 wadatashiyo xiriir ah ku yeeshay magaalada Bahr Dar ee dalka Itoobiya.
Saddexda dhinac waxay isla garteen in kulankoodan labaad uu astaan u yahay isbeddelka ku aaddan nabadda iyo isdhexgalka Geeska Afrika.
Madaxdu waxay dib u eegeen guulihii heshiiskii Asmara ee ku saabsanaa saaxiibtinnimada iyo iskaashiga saddexda dal.
Madaxdu waxay isla garteen natiijooyinka la taaban karo ee ilaa hadda la gaaray, waxayna isku raaceen inay dadaalkooda iyo garab istaaggooda isugu geeyaan xallinta caqabadaha si goonni ah iyo si wadajir ahba u waajahayaan.
Sidaasi awgeed, madaxdu waxay adkeeyeen muhiimaadda ay leedahay in la dhawro madaxbannaanida siyaasadeed iyo dhuleed ee Soomaaliya, iyo taageeradooda xooggan ee ku aaddan dadka Soomaaliyeed iyo dowladda Federaalka Soomaaliya. Waxay sidoo kale [madaxdu] bogaadisay horumarka ku aaddan nabadda iyo xasilloonida ee dowladda Soomaaliya.
Madaxda dalalka Soomaaliya Itoobiya iyo Ereteriya waxay soo dhaweeyeen cunaqabaynta laga qaadayo Ereteriya iyaga oo xusay inay ku qanacsan yihiin in falkan caddaaladda ahi ka qayb qaadanayo sare u qaadidda nabadda, horumarka iyo iskaashiga gobolka. Waxay sidoo kale dib u sheegeen inay ka go’an tahay nabad iyo iskaashi gobolka ah oo loo dhan yahay.
Madaxweynayaasha Ereteriya iyo Soomaaliya ayaa Raysalwasaare Abiy, shacabka iyo dowladda Itoobiya uga mahadceliyey soo dhawaynta diirran iyo martisoorka magaalada taariikhiga ah ee Bahr Dar loogu fidiyey iyaga iyo wufuuddooda, soo dhawayntaas oo ka tarjumaysa xiriirka dhaw isla markaana taariikhiga ah ee u dhexeeya saddexda waddan.

Dad ka bara kacay Dagaal Mudug ku dhex maray Shabaab iyo Shacab oo ku dhibaateysan Galgaduud

Wararka ka imaanaya Magaalada Cadaado ee Gobalka Galgaduud ayaa sheegaya in dadka barakacayaasha ee ku nool kaamamka ku yaala Magaaladaasi.ay xiligan soo foodsaartay xalada adag .
Dadkan ayaa waxaa ay ka soo barakaceen colaadihii Al-shabaab iyo Dadka Deegaanka Ku dhaxmaray qaybo Ka mid ah Gobolka Mudug.
Sababta ay u soo barakaceen dadkan ayaa waxaa la sheegay in tahay kadib markii Al-shabaab ay Ku amreen in ay Keenaan qaar ka mid ah caruurtooda, si loo askareeyo.
Xaalad nolol Xumo ayay sheegeen in ay Xiligan Ku haysato Kaam ku yaalla Magaalada Cadaado.
Masuuliyiinta kaamamka ayaa waxaa ay sheegeen in weli wax gurmad aysan ka helin dowlada dhexe iyo Maamulka Galmudug, kaasi oo ku aadan in wax loo qabto dadka barakacayaasha ee ka soo barakacay dhibaatooyinka ay Al-Shabaab u geysteen dadka Shacabka.

Meyd iyo hilbo dad ah oo maanta laga helay dhismayaal ku yaala Hotel Saxafi ee Muqdisho.

Maanta ayaa la soo wariyay in dhismooyinkii ku bur-buray Qaraxyadii shalay ka dhacay hotel saxafi ee Magaalada Muqdisho laga helay meydad iyo qaybo ka mid ah xubno bini’aadam oo Go’go’ay, Sida ay Galmudug u Xaqiijiyaan dad Goobjoogayaal.
Waxaa arimaha xanuunka leh ee maanta la arkay qayb ka ah gaari caasi ah oo la sheegay in ay saarnaayeen in ka badan labaatan ruux uu haleelay qaraxa.
Qaraxii shalay ka dhacay Hotel saxafi ayaa waxaa ku dhintay ku dhawaad 50 Ruux, halka 106 qof oo shacab ah ay ku dhaawacmeen.
Sadex sano ka hor ayaa sidan oo kale waxaa qarax iyo weerar toos ah lagu weeraray hotelka saxafi ee shalay la bartilmaameedsaday inta la ogyahay, waxaana masuuliyada weerarka iyo qaraxyada ku billowday sheegatay dagaalamayaasha Al- shabaab.

Tirada dadkii ku dhintay qaraxyadii shalay ee Muqdisho oo korortay iyo Wararkii ugu dambeeyay

Warar dheeraad ah ayaa ka soo baxaya khasaaraha ka dhashay qaraxyadii shalay ruxay magaalada Muqdisho, kaasoo ay ku dhinteen dad ka badan 40 ruux, sida ay xaqiijinayaan ilo kala duwan oo madax banaan.

Qaraxyada oo ay ka dhaceen Hotelka Saxafi ayaa ku bilowday gaadiid laga soo buuxiyay waxyaabaha qarxa oo lagu weeraray afaafka hore ee wadada laamiga Hotelka, xilli wadada aheyd mid mashquul badan, gaadiid kala duwan ay marayeen.

Wararka ayaa sheegaya in dhaawacyada ay ka badan yihiin 50 ruux, waxaana goobta qaraxa isku bedeshay goob aad u burbursan oo ka muuqdeen haraadiga iyo burburka uu sababay qaraxa.

Qaraxa labaad ayaa ka dhacay agagaarka CID oo u dhow Hotelka Saxafi, halka qaraxa 3aad lagu tilmaamay inuu ahaa kii ugu khasaaraha badnaa, maadaama uu dhacay xilli uu socday gurmadka. 

Dadka ku dhintay qaraxyada ayaa waxaa ku jiray C/fataah C/rashiid Shire Ilqeyte oo ka mid ah Milkiilayaasha Hotelka, saddex sano ka hor aabihii Ganacsade C/rashiid Ilqeyte ayaa ku dhintay weerar sidan oo kale Al-Shabaab ugu qaadeen Hotelka Saxafi.

Hotelka Saxafi ayaa ka mid ah Hotelada ugu caansan ee magaalada Muqdisho, waxaa uu ku yaallaa agagaarka Isgoyska KM4 oo ah goob aad u mashquul badan oo amnigeeda aad loo ilaaliyo.

Al-Shabaab ayaa sheegatay weerarada qaraxyada ee shalay ka dhacay, waxaana qaraxyada ku soo aadeen maalin jimco ah oo dadka ka nastaan shaqooyinka, balse xilliyada galbihii magaalada tahay mid camiran oo dadka is booqdaan, iskuna arkaan meelaha kala duwan ee la isugu yimaado sida Hotelada iyo maqaayadaha.